၁။ ။ဟေတုပစ္စယော- ဟိတ် (၆)ပါး ဖြစ်၍ ပစ္စယုပ္ပန် တရားတို့အား အမြစ်သဖွယ် ကျေးဇူးပြုတတ်သော တရား။
(ဥပမာ)- ပညောင်ပင် အစရှိသည်တို့၏ အမြစ်သည် ထိုသစ်ပင်အား မြဲမြံခိုင်ခန့်စွာ တည်စေခြင်းငှာ ကျေးဇူးပြုသကဲ့သို့ ( လောဘ, ဒေါသ, မောဟ, အလောဘ, အဒေါသ, အမောဟ,) ဟိတ်(၆)-ပါးသည် ယှဉ်ဘက် သမ္ပယုတ်တရားတို့အား မြဲမြံခိုင်ခန့်အောင် အမြစ်သဖွယ် ကျေးဇူးပြုတတ်သောတရား။
(ကျေးဇူးပြုသည်ဆိုရာ၌-မဖြစ်ပေါ်သေးသည်ကို ဖြစ်ပေါ်စေခြင်း၊ ဖြစ်ပေါ်ပြီးသည်ကို တည်နေစေခြင်း၊ တည်နေသည်ကို တိုးပွားစေခြင်း တို့ပင်တည်း။)
(ဆောင်ပုဒ်)- ဖြစ်စေ တည်စေ တိုးပွားစေ ခေါ်လေကျေးဇူးပြု။ ။
၂။ ။ အာရမ္မဏ ပစ္စယော- အာရုံခြောက်ပါး ဖြစ်၍ ကျေးဇူးပြုတတ်သောတရား။
(ဥပမာ)- ကြိုးတန်း, တောင်ဝှေး အစရှိသည်တို့သည် မစွမ်းမသန်သောသူတို့အား ထိုင်ခြင်း, ထခြင်း, သွားခြင်း, ရပ်ခြင်း ကိစ္စတို့ကို ပြီးစေသကဲ့သို့၊ အာရုံသည် စိတ်, စေတသိက်တို့အား ဖြစ်ပေါ်လာစေရန် ကျေးဇူး ပြုတတ် သော တရား။ ။
၃။ ။ အဓိပတိ ပစ္စယော - အကြီးအမှုးဖြစ်၍ ကျေးဇူးပြုတတ်သော တရား။ ။
(ဥပမာ)- စကြာဝတေးမင်းသည် အထွဋ် အထိတ် အချုပ်အခြာ အာဏာတန်ခိုးဖြင့် တပါးသော သူတို့၏ ကြီးသော သတ္တိကို တားမြစ်၍ တိုင်းပြည် နိုင်ငံသူ, နိုင်ငံသား တို့အား အကြီးအကဲ အစိုးရသော အဖြစ်ဖြင့်ကျေးဇူးပြုသကဲ့သို့ (ပစ္စယုပ္ပန် တရားတို့ အား အကြီးအမှုးအဖြစ်ဖြင့်) ကျေးဇူးပြုတတ်သော တရား။
၎။ ။ အနန္တရ ပစ္စယော။ - အခြားမဲ့၌ (တဆက်တည်း အကြားမရှိ) ဖြစ်၍ ကျေးဇူးပြုတတ်သော တရား။ ။
(ဥပမာ) စကြာဝတေး မင်း၏ နတ်ရွာလားခြင်းသည် သားကြီးရတနာအား မင်းအဖြစ် အဘိက်သိက်ခံခြင်းငှာ ကျေးဇူးပြုသကဲ့သို့ အခြားမဲ့ အခြားမရှိ(တဆက်- တည်း) ကျေးဇူးပြုတတ်သောတရား။ ။
၅။ ။ သမနန္တရ ပစ္စယော- ကောင်းစွာ အခြားမဲ့ အခြားမရှိ(တဆက်တည်း အကြားမရှိ)
ဖြစ်၍ ကျေးဇူးပြုတတ်သော တရား။ ။
(ဥပမာ) စကြာဝတေးမင်း၏ အရညဝါသီ တောထွက်တော်မူ၍ ရဟန်းပြုခြင်းသည် သားကြီးရတနာ အား မင်းအဖြစ်ကိုရစေခြင်းငှာ ကျေးဇူးပြုသကဲ့သို့ ကောင်းစွာ အခြားမဲ့ အခြားမရှိ ကျေးဇူးပြုတတ်သောတရား။
၆။ ။ သဟဇာတ ပစ္စယော- အတူတကွ ဖြစ်၍ ကျေးဇူးပြုတတ်သောတရား။
(ဥပမာ)- ဆီမီးသည် မီးတောက်သည်နှင့် တပြိုင်နက် အတူတကွ အလင်းကို ဖြစ်စေသကဲ့သို့ ထို့အတူ အကြောင်း တရားတို့သည် မိမိတို့ ဖြစ်ပေါ်လာသည်နှင့် တပြိုင်နက် ပစ္စယုပ္ပန် အကျိုးတရားတို့ကိုလည်း တပြိုင်နက် အတူတကွ ဖြစ်ပေါ်လာအောင် ကျေးဇူးပြုတတ်သော တရား။ ။
၇။ ။ အညမည ပစ္စယော - အချင်းချင်း အပြန်အလှန် ကျေးဇူးပြုတတ်သော တရား။ ။
(ဥပမာ)- သစ်သား သုံးခွ ဒုတ်သုံးချောင်းသည် အချင်းချင်း တချောင်းသည် တချောင်းအား ထောက်ပန့်ခိုင် စေခြင်းငှာ အပြန်အလှန် ကျေးဇူးပြု သကဲ့သို့ အချင်းချင်း အပြန်အလှန် ကျေးဇူးပြုတတ်သော တရား။ ။
၈။ ။ နိဿယ ပစ္စယော။- မှီရာတည်ရာဖြစ်၍ ကျေးဇူးပြုတတ်သော တရား ။ ။
(ဥပမာ) - မြေကြီးသည် သစ်ပင် အစရှိသည်တို့အား မှီရာ တည်ရာအဖြစ်ဖြင့် ကျေးဇူး ပြုသကဲ့သို့ မှီရာတည်ရာ အဖြစ်ဖြင့် ကျေးဇူးပြုတတ်သော တရား။ ။
၉။ ။ ဥပနိဿယ ပစ္စယော - အားကြီးသော အကြောင်းဖြစ်၍ ကျေးဇူးပြုတတ်သော တရား။ ။
(ဥပမာ)- မိုးတွင်း သုံးလပတ်လုံး ရွာသောမိုးကြီးသည် ထိုမိုးကို မှီကုန်သော သစ်ပင် သတ္တဝါ အစရှိသည်တို့အား (အားကြီးသော အကြောင်း အဖြစ်ဖြင့်) ကျေးဇူးပြုတတ်သော တရား။ ။
၁၀။ ။ပုရေဇာတ ပစ္စယော- ရှေ့ ၌ဖြစ်နှင့်၍ ကျေးဇူးပြုတတ်သော တရား။ ။
(ဥပမာ)- ကမ္ဘာဦး၌ ဖြစ်သော နေ လ တို့သည် မိမိတို့ ထင်ရှားရှိခိုက် အလင်းကို မှီကုန်သော သတ္တဝါ တိုအား ရှေး၌ ဖြစ်နှင့်၍ ကျေးဇူးပြုသကဲ့သို့ (ရှေး၌ဖြစ်နှင့်၍) ကျေးဇူး ပြုတတ်သော တရား။ ။
၁၁။ ။ပစ္ဆာ ဇာတ ပစ္စယော- နောက်မှ ဖြစ်၍ ကျေးဇူးပြုတတ်သော တရား။
(ဥပမာ)- လင်းတငယ်တို့၏ အာဟာရ၌ ချစ်ခြင်းစေတနာသည် နောက်မှ ဖြစ်၍ ထင်ရှားရှိသော ကိုယ်အားကျေးဇူးပြုသကဲ့သို့ နောက်မှဖြစ်၍ ကျေးဇူးပြုသော တရား။ ။
အရှင် ဗာကုလ ရဟန္တာ လောင်းလျှာသည် မွေးခါစ နို့စို့အရွယ်က သမုဒ္ဒရာအလယ်၌ ရေထဲသို့ ကျသွားရာ ရေနစ်၍မသေ၊ ထိုသို့ မသေရခြင်းမှာ နောင်အခါ ရဟန္တာ ဖြစ်မည့်သတ္တိသည် အရှင်ဗာကုလအား မသေစေရန် အကျိုးပြုသော ကြောင့်တည်း။ ။
၁၂။ ။ အာသေဝန ပစ္စယော- အဖန်တလဲလဲ မှီဝဲ ထုံအပ်သည် ဖြစ်၍ ကျေးဇူးပြုတတ် သော တရား။
(ဥပမာ)- ရှေးရှေး၌ ထုံအပ်သော နံ့သာသည် နောက်နောက်၌ ထုံအပ်သော နံ့သာအား အဆင်းအနံ့ လွန်စွာ တိုးပွားခိုင်မြဲစွာ ဖြစ်ခြင်းငှာ ကျေးဇူးပြု သကဲ့သို့၎င်း ။ ရှေးရှေးသင်အပ်သော ကျမ်းဂန်သည် နောက် နောက် သင်အပ်သော ကျမ်းဂန်အား လေ့ကျက်ခြင်းငှာ အားရှိ၍ ကျေးဇူးပြုသကဲ့သို့၎င်း ၊ အဖန်တလဲလဲ မှီဝဲထုံအပ်သည် ဖြစ်၍ ကျေးဇူးပြုတတ်သော တရား။
၁၃။ ။ ကမ္မ ပစ္စယော- စီရင်ခြင်း သံဝိဓာန ကိစ္စနှင့် မျိုးစေ့ဖြစ်စေခြင်း ဗီဇနိဓာန ကိစ္စဖြစ်၍ ကျေးဇူး ပြုတတ်သော တရား။
(ဥပမာ)- ကောင်းစွာ သိုမှီး သိမ်းဆည်းစီရင်အပ်သော မျိုးစေ့သည် အညွန့် အညှောက်၏ ဖြစ်ခြင်းငှာ အမူအရာ လုံ့လ၏ အူဖစ်ဖြင့် ကျေးဇူးပြုသကဲ့သို့ မျိုးစေ့ အဖြစ်ဖြင့် ကျေးဇူးပြုတတ်သော တရား။
၁၄။ ။ ဝိပါက ပစ္စယော- အကျိုးဖြစ်၍ ကျေးဇူးပြုတတ်သော တရား။
(ဥပမာ)-ချမ်းအေးသောလေသည် ချမ်းအေးသော အရိပ်၌ နေသောသူအား ချမ်းငြိမ်းစေခြင်းငှာ ကျေးဇူးပြုသကဲ့သို့ ကံတို့၏အကျိုး အဖြစ်ဖြင့် (ငြိမ်သက်သည် -ဖြစ်၍) အထောက်ပန့်ပြုမှုဖြင့် ကျေးဇူး ပြု တတ်သော တရား။
၁၅။ ။ အာဟာရ ပစ္စယော- ထောက်ပန့် ခိုင်စေတတ်သည်ဖြစ်၍ ကျေးဇူးပြုတတ်သော တရား။
(ဥပမာ) ထောက်ကန်သော တိုင် သစ်သည် အိမ်ဟောင်းအား မြဲမြန်စေခြင်း ငှာ ကျေးဇူးပြုသကဲ့သို့ (ထောက်ပန့်တတ်) ဆောင်တတ်သော အဖြစ်ဖြင့် ကျေးဇူးပြု တတ်သော တရား။
၁၆။ ။ ဣန္ဒြိယ ပစ္စယော- အစိုးရသည်ဖြစ်၍ ကျေးဇူးပြုတတ်သော တရား။
(ဥပမာ)- တနိုင်ငံ တပြည်ထဲ၌ အသီးသီး ဆိုင်ရာ တာဝန်ကိစ္စကို ပေးအပ် ခံရသည့် အစိုးရသော လက်အောက်ခံ မင်းတို့သည် (အချင်းချင်း ထိုအစိုးရသော သတ္တိတို့ကို မမြစ်မူ၍) မိမိတို့၏ တာဝန်အရာ၌ အစိုးတရ ပိုင်ပိုင်နိုင်နိုင် ဆောင်ရွက် သည်၏ အဖြစ်ဖြင့် ကျေးဇူးပြုသကဲ့သို့ အစိုးရသည်၏ အဖြစ်ဖြင့် ကျေးဇူးပြုတတ်သော တရား။
၁၇။ ။ ဈာန ပစ္စယော - ကပ်၍ စူးစူးစိုက်စိုက် ရှုတတ်သည်၏အဖြစ်ဖြင့် ကျေးဇူးပြုတတ်သော တရား။
(ဥပမာ) တောင်ဖျား သစ်ပင်ဖျားသို့တက်၍ ကြည့်သောသူသည် အဝေး အနီး အရပ်တို့ကို မြင်ခြင်း ထိုမြင်ခြင်း၌ အလိုရှိသောသူအား ကျေးဇူးပြုတတ်သကဲ့ သို့ ကပ်၍ရှုတတ်သော အဖြစ်ဖြင့် ကျေးဇူးပြုတတ် သော တရား။
၁၈။ မဂ္ဂ ပစ္စယော- ထွက်မြောက်ကြောင်း နည်းလမ်းဖြစ်၍ ကျေးဇူးပြုတတ်သော တရား။
(ဥပမာ)- ဤမှာဘက်မှ ထိုမှာဘက်သို့ ကူးသောသူသည် ဤမှာဘက်မှ ထွက်မြောက်ကြောင်း ဖြစ်သကဲ့သို့၎င်း ထိုမှဘက်မှ ဤမှာဘက်သို့ ကူးလိုသောသူသည် ထိုမှာဘက်မှ ထွက်မြောက်ကြောင်း ဖြစ်သကဲ့သို့၎င်း ဘဝတခုမှ တခုသို့ ဆောင်ပို့ ထွက်မြောက်ကြောင်းအဖြစ်ဖြင့် ကျေးဇူးပြုတတ်သော တရား။
၁၉။ ။ သမ္ပယုတ္တ ပစ္စယော- ယှဉ်သည်ဖြစ်၍ ကျေးဇူးပြုတတ်သော တရား။
(ဥပမာ)- နို့ရည် ထောပတ် ပျား သကာ ဟူသော စတုမဓူ အရသာသည် အချင်းချင်း နှီးနှော ရောပြွန်းသောအားဖြင့် ကျေးဇူးပြုသကဲ့သို့ အတူတကွ ယှဉ်ခြင်း ဖြင့် ကျေးဇူးပြုတတ်သောတရား။
၂၀။ ။ ဝိပယုတ္တ ပစ္စယော။ မယှဉ်သည်ဖြစ်၍ ကျေးဇူးပြုတတ်သော တရား။
(ဥပမာ)ခြောက်ပါးသော အရသာသည် အချင်းချင်း မနှီးနှော ရောပြွန်းသော
အားဖြင့် ကျေးဇူးပြုသကဲ့သို့ မနှီးမနှော မယှဉ်ခြင်းဖြင့် ကျေးဇူးပြုတတ်သော တရား။
၂၁။ ။ အတ္ထိ ပစ္စယော- ပစ္စုပ္ပန်၌ ထင်ရှားရှိဆဲဖြစ်၍ ကျေးဇူးပြုတတ်သောတရား။
(ဥပမာ)- ဟိမဝန္တာ တောင်မင်းသည် မိမိကို မှီခိုသောအားဖြင့် သစ်ပင် မျက်ပင်တို့အား ပြန့်ပွားစေ ခြင်းငှာ မိမိထင်ရှား ရှိနေခြင်းအားဖြင့် ကျေးဇူးပြုသကဲ့သို့ ထင်ရှားရှိသော အဖြစ်ဖြင့် ကျေးဇူးပြုသော တရား။
၂၂။ ။ နတ္ထိ ပစ္စယော- မရှိသည်ဖြစ်၍် ကျေးဇူးပြုတတ်သောတရား။
(ဥပမာ) ညဉ့်၏ ကင်းပြတ်ခြင်းသည် နေ့ဖြစ်ခြင်းငှာ ကျေးဇူးပြုသကဲ့သို့၎င်း ဆီမီး၏ ငြိမ်းခြင်းသည် အမိုက်မှောင်ဖြစ်ခြင်းငှာ ကျေးဇူးပြုသကဲ့သို့၎င်း မရှိသော အဖြစ်ဖြင့် ကျေးဇူးပြုတတ်သော တရား။
၂၃။ ။ ဝိဂတ ပစ္စယော- ကင်းမဲ့ချုပ်ပျောက်သည်ဖြစ်၍ ကျေးဇူးပြုတတ်သော တရား။
(ဥပမာ)- နေ၏ ဝင်ခြင်းသည် လရောင်လင်းစေခြင်းငှာ ကျေးဇူးပြုသကဲ့သို့ ကင်းချုပ်သည်၏ အဖြစ်ဖြင့် ကျေးဇူးပြုအပ်သော တရား။
၂၄။ ။ အဝိဂတ ပစ္စယော-မကင်းသည်ဖြစ်၍ ကျေးဇူးပြုတတ်သော တရား။
(ဥပမာ)- မဟာသမုဒ္ဒရာသည် မိမိကို မှီကုန်သော ငါးမကာရ်း အစရှိသည် တို့၏ ပီတိ သောမနဿ ပွားခြင်းငှာ မိမိ၏ မကင်းသော အဖြစ်ဖြင့် ကျေးဇူးပြုသကဲ့သို့ မကင်းသည်၏ အဖြစ်ဖြင့် ကျေးဇူးပြုတတ်သော တရား။
၂၄ - ပစ္စည်း အဓိပ္ပါယ် အကျဉ်း ပြီး၏။
No comments:
Post a Comment
အမှာတော်လေးများ ပါးခဲ့ကြပါဦးရှင် ..